Kanpainako azken astean gaude eta gaur
gero hautagaiak ezagutzen ditugu eta beren asmoak ere bai. Batzuk, molde batez
edo bertzez, urtetan protagonistak izan dira Baztango bizitzan, Joseba Otondo,
Florentino Goñi eta Begoña Sanzberro konparazione. Bertzeak, Ruben Ziganda eta
Alejandro Martin, azken urteetan ikusi ditugu solasaldi eta bilkura
ezberdinetan, gehienbat arlo sozioekonomikoari lotutako hitzorduetan eta
gatazkatsuak izan diren gaietan, apalduak ziren jarrerak hauspotu nahian.
Kanpainak konfirmatu egin du jokabidea:
 |
| klikatu haunditzeko |
Bi ataletan antolatu ditu arranbelak kanpainan entzundakoak: AZALETIK eta MAMITIK, ikusten dena eta
ikusten ez dena erakutsi nahiean Batzuendako hain inportanteak ez
diren gaiei buruzko azterketa sakonak egin ditugu ere bai: kultura,
euskara, hezkuntza eta zerbitzu sozialak.
AZALETIK begiratu ezkero, programak,
eskuorriak eta sareratu diren interbentzioak, irudi lezake kontsensu berriak
ari direla sortzen Baztanen. Deigarria da, modu batez edo bertzez, herritarren
iritzia kontutan hartzeko, biltzeko, jasotzeko intentzioa edo posea dagoela. Gure
herrirako estrategikoak izan zitezkeen erabakiak, elite eta jakintsuen esku (lixtoen esku) uztearen aroa amaitu dela.
Nahiz eta batzuk beren ametsak kanpokoen esperantzan jartzen jarraitzen duten.
Aipagarria ere bai hezkuntzaren arloan nola
Lanbide Heziketaren eskaintza berritu
beharraren aipamena denek egiten duten. Nola ez Geisher Pharma bezalako enpresa
bat etorriko bada bakoitzak bere merituaren zatia aireratu nahi du.
Elizondoko Plazako eraikinak ematen du ere adostasuneko gunea izan daitekeela.
Ez berarekiko dauden proiektuen bateratasunagatik baizik eta denek ikusten dutelako
zerbait egin behar dela heredatutako, oinordetzan hartutako “mamotreto” horrekin. Karrikan bada
lurrarekin berdintzearen aldeko iritzia baina ez da, eta guttiago kanpainan,
jarrera hori defendatuko duen hautagairik.
Gehiago ere izan zitezkeen Batzar Nagusiari buruzko aipamenak edo herrietako alkateen gainekoak, baina ez
luzatze aldera bi klasikoen aipamenarekin utziko dugu ustezko kontsensuena: batetik
parte hartzea, nola ez, eta
bertzetik kudeaketa serioa eta gardena!
MAMIRA joanez gero ordea bertze
errealitate batzuk ageri zaizkigu.
Kudeaketa serioa eta gardena nahi da
baina Zahar etxea EZ UKITU, nahiz
eta udalak dirutza bat bertan utzi behar.
 |
| Klikatu haunditzeko |
Zaborrarekin
konpostarena ongi ikusten da eta kontzientziazioaren beharra ere orokorra da. Udalak
eta kontzientzia duten herritarrek egindako lanaren ondorioz birziklatze tasa
orokorrak %5 egin du goiti %30an gabiltza orain. Europako eskaeretako bat da,
adibidez organikorako bakarrik, %50 birziklapen tasa 2020rako. Borondatezko
ekintzak izan dira orain artekoak. UPNk
aipatzen duen 5. kontenedorea praktikan badago: auzo konpostaren zerbitzua da. EH Bilduk bakarrik aipatzen du guttiago
kontsumitzearena, zabor guttiago sortzearen ardura. Egindako bidean sakondu
behar bada, Europako irizpideak bete behar badira, ze neurri hartu behar dira
birziklatzen ez duenarekin? edo batek %60 eta bertzeak %10 bertzerik ez badu birziklatzen?
Non adostu behar dira? Nork betearazi behar du?
 |
| Klikatu haunditzeko |
Nekazaritzan
Udalak eta batez ere Batzar Nagusiak Jon Elizetxe ren
ardurapean egindako lan eskerga onartzen da. (G. Baiko ordezkariak espreski aipatzen du) Oihan kudeaketarako planaren
onarpenaren garrantzia, Komunalaren defentsa, izkindegien mantentzea, bazkalekuei
mineral ekologikoa ematea balorea erantsiz …, nekazarien eta bertze eragileen
iritziak kontutan hartzea… Interesgarriak Begoñaren hitzak berak eta UPNk bulkatu eta defenditu duten
ereduaren agorpena iradokitzen dutenak eta zer eta nekazarien eskubideak eta
laguntzak Nafar Gobernuaren aitzinean defendatu behar direla erranez!!! Nork
eta berak!!!. Ez diegu garrantzia
kendu nahi bertzeen hitz eta iritziei baina proiektua, helburuak eta lan
metodoak, aitzindaritza alegia EH Bildurena dela begi bistakoa da
Kezkagarria berdintasunaren gaiarekin agertzen dena. Gobernu arduran egon den
eta parte hartzearen sustatzaile bezala bere burua saltzen duen Ezkerra, ez da enteratu Planaren berri
izan dela kuarteletako bilkuretan. Berdintasunaren garrantziari buruzko ideia
orokorra da baina inplikatu behar denean UPN
desagertu egiten da. Batzar Nagusiak
Baztanen gertatutako arazo larri bat salatu zuenean bezala. Zutitu eta alde
egin zuten. Hau nahiko ez eta gutxietsi egin nahi dute mutildantzetako arazoa erranez
dantzetako aferak ttikiak direla. G. Baikoek
aldiz lan zikina egiten dute dena nahasi nahian. Sentsibilitatea eskatzen diete erakundeei, ez
emakumezkoak plazatik kanpo nahi dituzten gizonei. Buruz eta errespetuz
jokatzea eskatzen dute zertarako eta gizonezko batzuk herri dantza batzuk
emakumeen parte hartzerik gabe, dantza ditzaten toki publiko batean. Bronkarik ez, bertzenaz emakumeen eskubideen
aldeko lana trabatzen delako noski. Tokitan geundeke emakumeak borrokan
aspaldi hasi izan ez balira. Ah! ez ahaztu Auzolanekoak
dio “amak dira berdintasuna lortzeko lehen indartzaileak”. Seme alabarik ez
baduzu edo gizonezkoa bazara egon trankil.
Hezkuntzarekin aipatu
bezala Lanbide Heziketaren eskaintza berritu behar dela iritzi orokorra da. Eskola
ttikien defentsa ere bai. Interesantea litzateke gogoratzea edo aztertzea nola
galdu zen Oronozen zegoen Nekazal eskola edo memoria hurbileko ariketa eginez harrigarria
Ezkerrakoen herrietako eskolen
defentsa, 2015ko aurrekontuetan Oronozko kioskoa lehenetsi zutenean Arizkungo
eskolako lehorra beharrean.
Badira bertze gai pare bat agian ez
bigarren mailakoak baina bai eskuarki ez hain inportantetzat jotzen direnak.
Guretzako klabeak dira ere, ezinbertzekoak eta aparteko azterketa luze eta
zabala eskainiko diegu.
Agurtzeko beraz bi hitz:
Batetik, ahoan bat baina gogoan bertze
bat dutenen proiektua dago. Bertzetik agortutako eta krisirat ekarri gaituen
ereduaren defendatzaileak daude.
Horregatik arranbelak eskatzen dizu: BOZKATU EH Bildu
Horregatik arranbelak eskatzen dizu: BOZKATU EH Bildu