Juan Miguel Munarriz euskararen jatorrian arakatuz



Resultado de imagen de Juan Miguel Munarriz


Euskararen jatorrian arakatu nahi izan du Juan Miguel Munarriz elizondotarrak “Euskararen genesiaz” bere liburuan, zeina Pamiela argitaletxeak argitaratu duen berriki. Liburuaz eta bere ikerketaz aritzeko hitzaldia eskainiko du, irailaren 27an, datorren ortziralean, 19.00etan, Arizkunenean.

Euskararen jatorria oraindik argitu gabeko afera da eta hainbat teoria eta hipotesi badira han hemen. Juan Miguel Munarrizek bere aletxoa jarri nahi izan du jatorria argitzeari begira eta horretarako erabili duen teknika euskarazko esaldiak aztertzearena izan da.

Egun erabiltzen diren esaldiak abiapuntu hartuta, modernoak eta zaharrak bereizi ditu, horrela, geruzaz geruza, hizkuntzaren geruzarik zaharrenera iritsi eta orduko euskararen gorabeherak sakontzeari ekiteko.

Amets batean topatu omen zuen Juan Miguel Munarrizek euskararen jatorria aurkitzeko giltza: aztarnategi arkeologikoetan bezala jokatu behar zen, kapa berriak kendu eta zaharrenak topatzeko, eta horrela egin du.

Gaia, euskara, baztandarren oso interesekoa den neurrian, aukera polita profitatuko da datorren ortziralean beraz, hainbat xehetasun eta kontu entzun eta galdetzeko.