11 EGUN OZTOPO GUZTIEN GAINETIK

Euskaraz bizitzeko nahian urratsak emateko helburuarekin, dinamika abiatu zuen Kontseiluak Nafarroan orain bi hilabete. ''Hamaika egun'' izeneko dinamikaren baitan deialdi nagusi bat egin da: apirilaren 25ean Anaitasuna pabiloian egingo den ekimena. Bertan, euskaraz bizi nahi duten pertsonek Nafarroan euskaraz bizitzeko zer norabide eta neurri hartu behar diren aurkeztuko da.

Gaur egun Nafarroan euskararen normalizazioari bideratutako bitarteko ekonomikoen murrizketa izugarria gertatzen ari da, hainbat proiektu itotzera ailegatzeraino. Egoera pertsonal arras gogorrak sortu dizkie Nafarroako Gobernuak, berak hartutako erabakien ondorioz. Horrelako egoerak bizi dituzten pertsonen kontakizunak ditu ''11 egun oztopo guztien gainetik'' dokumentalak. Baina, ez da hori bakarrik ikus daitekeena. Euskalgintza, herritarren lanari eta borondate irmoari esker aitzin egiten ari da, oztopo guzien gainetik.