Via Campesina mundo mailako miloika nekazari biltzen
dituen mugimendua da. Europa, Amerika, Asia eta Afrikako hainbat herrialdetako
nekazariak nazioarteko konferentzian biltzen dira lau urtetik behin, irizpideak
eta lan ildoak adosteko, eta aurten beren VII. Nazioarteko Konferentzia Euskal
Herrian ospatzen ari dira, Derion (Bizkaia).
Bertan, uztailaren 19tik 24ra, 500 bat
ordezkari elkartuko dira zenbait gairen inguruan eztabaidatzeko, hala nola
elikadura burujabetza, agroekologia, lurra eta lurraldearen defentsa eta
nekazarien eskubideen babesa. Aipatzekoak dira uztailaren 16tik 18ra toki
berean ospatuko diren Nazioarteko Gazteen eta Emakumeen Asanbleak.
Honen harira, uztailaren 24an, Hazitik hozie
elkarteak eta Baztango Udalak egindako gonbidapenari esker, partaide batzuk
Baztanera etorriko dira bertako egoera ezagutzera. Goizean hemengo zenbait ekoizlerengana
hurbilduko dira. Anizko elkartean bazkaldu eta gero, mahaingurua eginen da,
Hazitik hozie eta Baztango Zaporeak elkarteak ere bertan egonen direlarik.
Egun honen antolaketan Hazitik Hozie,
Baztango Udala, Baztango Zaporeak eta Anizko herria aritu dira elkarlanean.