ADIERAZPEN INSTITUZIONALA AZAROAREN 25ERAKO, EMAKUMEEN AURKAKO INDARKERIA EZABATZEKO NAZIOARTEKO EGUNERAKO



30 bat pertsona bildu dira gaur Elizondoko plazan indarkeriaren kontra eta berdintasunaren alde bat egiteko. Hau da bertan irakurri den adierazpen instituzionala:
Emakumeen kontrako indarkeriaren aitzinean, Tokiko Politikak Berdintasunaren alde.

Berriz ere, azaroaren 25ean, Emakumeen aurkako indarkeria ezabatzeko nazioarteko egunean, indarkeria honen kontrako gaitzespena adierazi nahi dugu. Izan ere, Nazio Batuen Erakundeak onartu duenez, giza eskubideen eta oinarrizko askatasunen urraketarik larrienetakoa da. Bertzalde, oroitarazi nahi dugu gai honen inguruan indarrean dagoen araudi guztiek —nazioartekoak, Europakoak, Estatukoak, Nafarroakoak zein udalekoak— ezarri bezala, indarkeria mota hau errotik kentzeko emakumeen aurkako bereizkeria oro ezabatu behar dela. Horretarako, emakumeen eskubideen babestea, emakumeen ahalmentzea erraztea eta berdintasunaren sustapena indartzea ezinbertzekoa dira.

Gainera, bortizkeria modu hau lehentasunez jorratu behar dugu eta onartu ez dela “berdinen arteko gatazka”, ez eta emakumeen arazoa ere. Aitzitik, jendarte osoaren arazoa da eta, horregatik, gizon-emakumeen esku hartze aktiboaren bidez konpondu beharrekoa.
Herri Administrazioa garen aldetik, erakunde guztiok lan egin behar dugu eta indarkeria modu hau arlo guztietan behin betikoz ezabatzeko badaezpadako neurriak eta arreta bideak gauzatzen segitzeko bitartekoak paratu. Bertzalde, Nafarroako Foru Komunitateko emakumeen eta gizonen arteko Berdintasun Planak dioenez “tokiko maila hiritarren bizitzatik eta ehundura ekonomiko-sozialetik hurbilen dagoena da. Hortaz, maila honek interesetatik, beharretatik hurbilago dago eta lurraldeak dituen baliabideak zuzenean erabiltzeko aukera ematen du eta gizonen eta emakumeen aukera berdintasuna integratzeko esparrurik.

Berdintasuna erdiesteko tokiko estrategia horren barnean emakumeen aurkako indarkeria kasuen arreta eta badaezpadako hainbat neurri sartu behar dira, erraterako, adin txikiko emakumeen aurkako indarkeria kasuak, emakumeen menpe dauden bertze pertsonen aurkakoak, orain Botere Judizialaren Kontseilu Nagusiko (BJKNeko) Etxeko eta Genero Indarkeriaren kontrako Behatokian aipatu.

 Hortaz, bat eginik, toki entitateok eta Familiarako eta Berdintasunerako Nafarroako Institutuak honakoa adierazi nahi dugu:

  • Gure gaitzespena indarkeria sexistari, agerian dagoenari nahiz ikusten ez denari, eta haren adierazpen guztiei.
  • Gure konpromisoa Herri Erakundetako, neurriak ezartzen jarraitzeko arlo guztietan errotik ken dezagun eta, indarkeria jasaten duten emakumeek justizia zuzentzailea izan dezaten.
  • Gure elkartasuna erasoa pairatu duten emakumeekin edota hildakoekin, muturreko indarkeria sexistaren biktima izan diren horiekin. Gure babes osoa beraiendako eta beren familiendako.

Azkenik, hiritar guztiei emakumeen aurkako indarkeria gaitzesteko jarrera, banakoarena nahiz taldekoarena, eta indarkeria modu hori errotik kentzeko konpromisoa har dezaten eskatu nahi diegu. Horretarako, bide batez, azaroaren 25aren inguruan antolatuko diren jardueretan parte hartzera animatu nahi ditugu. Horrela gizarte iraunkorra, gero eta demokratikoagoa, justuagoa eta berdintasunezkoagoa erdiesteko bidean aitzina egiten segituko dugu.

2013ko urriak 21