GAUR ETA BIHAR ERAKUSKETA IZANEN DA ELIZONDOKO PLAZAN

Nafarroako Gobernuak antolatua, genero-indarkeriari buruzko informazio-puntu ibiltaria izanen da gaur eta bihar Elizondoko plazan. 

"Nafarroak ezetz dio" puntu ibiltariak aholkularitza eta orientazioa emango ditu. Ekintza Nafarroako Gobernuak, Nafarroako Berdintasunerako Institutuaren bidez, antolatutako kanpainaren barnean sartzen da, azaroaren 25a Emakumeenganako Indarkeriaren aurkako Nazioarteko Eguna dela-eta.

Puntu horretan pertsona bat izanen da, eta hark indarkeriari buruzko eta Nafarroan gaur egun dauden baliabideei buruzko informazioa eskatzen duten emakumeei arreta eta orientazioa emango die, bai eta herritar guztiei ere.