Iruñeko udalaren Mola
eta Sanjurjo general kolpisten gorpuzkiak erorien monumentutik ateratzeko
erabakia babestu du Baztango udalak. Joan den ortzeguneko osoko bilkuran EH
Bilduk, Ezkerrak, Geroa Baik eta Baztan Auzolaneanek mozioaren alde egin zuten,
UPNek, berriz, aurka bozkatu zuen.
Mozioaren bidez Baztango udalak, Nafarroako bertze erakunde
eta elkarte aunitzek bezala 1936ko estatu kolpe faxistaren eta gure herriaren
jazarpen eta krimen guztien arduradunak aipatu monumentutik lekutzea ontako
eman zuen. Udalak, halaber, frankismoaren eta bere diktaduraren ondorioz
gertatutako krimenei buruzko egia, justizia eta ordaina aldarrikatzeko oroimen
historikoaren mugimendua Nafarroan egiten ari den lana aitortu nahi izan zuen.