AROZTEGIA ETA GERO ZER? PLATAFORMAREN PRENTSA OHARRA

Baztango Udalak, urtarrilaren 26ko osoko bilkuran eta Geroa Baik aurkeztuta, Aroztegiako UGPSaren jarraipena egiteko Baztango Udalean batzorde bat osatzeko mozioa onartu zuen. Batzorde hori Baztango udaleko ordezkariak, Nafarroako Gobernuko ordezkari bat, Palacio de Arozteguia S.L enpresako ordezkariak eta  Lekarozko alkatearekin osatzea proposatzen du. Honen harira, plataformak hurrengo adierazpenak egin nahi ditu:

-Aroztegiako proiektu urbanistiko espekulatzailea UGPS bidez onartu zen UPN eta Geroa Bairen eskutik Baztango Udalari eta Baztango Batzar Nagusiari legez dagozkien eskumenak kentzeko eta herritarren borondatearen gainetik proiektu hau inposatzeko.

-Ikusita Lekarozko zein Baztango herritarren gehiengoak eta baita tokiko erakunde instituzional demokratikoek (Batzarra eta Baztango Batzar Nagusia)  proiektu honen kontrako irizpidea behin eta berriz adierazi dutela, berriz ere, aurpegiak zuritzeko saiakera batean, ados jarri dira burutzen ari diren inposaketa eta bidegabekeriari zilegitasuna eman nahian.

-Plataformatik adierazi nahi dugu batzorde hau pozoindutako batzorde bat dela. Lekaroztarren zein Baztandarren borondateari muzin egin ondoren orain Lekarozko Alkatearen presentzia eskatzen dute. Herriak egitea nahi ez duen proiektuaren garapenaren jarraipena egiteko hain zuzen ere. Lekarozko herritarren ordezkariari, herriaren suntsiketaren testigu konplizea eta isila izatea eskatzen dioten bitartean, zafratutako lurren jabe pribatuak zein herri lurren kudeatzeko eskumena duen Batzar Nagusiko ordezkaririk gabeko batzordea eratu nahi dute.

-Nabarmena gelditu da, berriz ere, Geroa Bai, enpresaren bozeramailearen papera bete nahia, Baztango herri lurren defentsan aritu beharrean, herritarren ordezkariei eta herritarren kontrako jazarpen judiziala egin duten horiek kokatu nahi dituzte herritarren ordezkari  paperean.

-Nahiz eta enpresak jarritako salaketan eskatutako gauza gehienak epaileak atzera bota duen,  gogor salatzen dugu GarbiƱe Elizegiren kasuan auzitegiak emandako zehapena. Adierazpen askatasunaren eraso larria eta ama lurra suntsitu nahi duten eskrupulurik gabeko  kapitalistak inpunitate osoarekin jokatzeko bidea ireki nahi duelakoz.

-Baztanen eratu behar den batzorde bakarra Aroztegiako UGPSa gelditzeko eta herritarren borondatea betetzeko lan egingo duena da.

AROZTEGIAKO UGPSa GELDITU!

INPOSAKETARIK EZ!


Aroztegia..eta gero zer? Plataforma