EZTIGINTZA ETA ERLEZAINTZA IKASTAROA ANTOLATU DU HAZITIK HOZIEK

Baztango agroekologia eskola herritarraren barnean hastapeneko ikastaro bat antolatu du Hazitik Hoziek.

Nik gustura paratuko nuke kofoin bat, baina nondik hasi? Zeintzuk dira horretarako gutxiengo baldintzak? Galdera horiek eta gehiago ere argitzen ahalko ditu harat hurbildu eta mundu interesgarri honetan estreinuz sartu nahi duenak. 

Egitaraua

  • Morfologia (Erleen ezaugarri fisiologikoak)
  • Haziera zikloa (Erleen bizi-zikloa)
  • Bertako espeziea (Bertan dugun erle-espeziaren ezaugarriak)
  • Bizkarroia eta harraparia (Erleen izurrite eta etsaiak)
  • Ekipamendua eta lanabesak (Lanerako gutxiengo tresnak)
  • Kofoinak, modelo anitzak
  • Nondik hasi
  • Kokapena (Kofoina non paratu)
  • Ama berria (Hasteko beharrezko erregina nola lortu)
  • Nukleoa, zer den (Ama lortzeko modu anitzetako bat hau da)
  • Zer da zer (Gure kofoinean topa ditzakegun aldaerak)
  • Noiz zer egin (Urteko eginbeharrak)



NOIZ: Maiatzaren 20an, larunbatean. 10,00-12,00
NON:  Arizkuneneako aretoan,

Izen-ematea: hazitikhozie@gmail.com