_content.jpg)
26 ganadutegietako 210 azienda aurkeztuko dira lehiaketara eta aste honetan pintxo, salda eta bustiak eskainiko dituzte inguruko 13 jatetxe eta ostatutan
Pirinioko behi azienden lehiaketa-enkanteak 30. edizioa beteko du irailaren 23 eta 24an Elizondon, Baztango Udalak eta Aspina eta Conaspi erakundeek, bertze hainbat babesleren laguntzarekin antolatua. 26 ganadutegietako aziendak espero dituzte, 15 Nafarroakoak, 6 Bizkaikoak eta 5 Gipuzkoakoak. 210 azienda aurkeztuko dira lehiaketara eta bertze 30 saltzeko jarriko dituzte.
EGITARAUA:
larunbatean:09:00 Aziendaren txanda kalifikatzaileak.
10:00-14:00 Baztango artisautza eta nekazaritza elikagaien
azoka.
17:00 -20:00 Baztango artisautza eta nekazaritza elikagaien
azoka.
17:30-20:00 Behi-aziendaren erakustaldia. Esatari batek
azienda deskribatuko du.
Igandean:
9:00-12:00 Behi-aziendaren erakustaldia.
10.00 -14.00 Baztango artisautza eta nekazaritza elikagaien
azoka.
11.30 “Nafarroako Aratxea” haragi eta “Kortariko” gasna
dastaketa.
12.30 Behi-aziendaren enkantea
13.00 Sari eta garaikur banaketa.