Elizondo-Iruritako
saihesbiderat jaisten diren aziendei bidea hersteko, Baztango Udalak Lekaroz
aldean lau parrila egin ditu. Egindako lanek denera 25.000 euroko inbertsio
ekarri dute eta urria eta azaroan barna egin dira.
Orain urte bat
inguru Legate aldean aziendak ibiltzen dituzten nekazariekin bilera egin zuen
Baztango Udalak eta parrilak egiteko konpromisoa hartu zuen, batez ere negu
aldean errepiderat jaisten diren zaldi eta behorrei bidea galerazteko. Horrela,
urria eta azaroan Lekarozko Iñaranen, Tellerian, Irulegian eta Lezaben aipatu
parrilak egin dira. Lanak Altzugarai S.L. enpresak bururatu ditu 23.900 euroan;
proiektuaren idazketa eta zuzendaritza berriz Mendikoak egin du 1.000 euroan.
Lanak egiteko Nafarroako Gobernuak %55eko dirulaguntza eman du.
Heldu den urtean
Beartzungo bidean bertze parrila egin nahi luke udalak.