Udako hilabeteetan
Baztango bazkaleku komunaletan lanak egin ditu udalak. Erdizeko Bihotzeko zilo
alderdian adibidez aska berria egin du, 1.699 euroko inbertsioa ekarri
duena. Aska hau nekazarien eskaera zen, urtero bazkaleku komunaletako
nekazariekin egiten den bilkuran aipatutakoa. Erdizen ere, Larrakarte alderdian
hondatutako aska berritu du udalak, 2.460 euroan. Lan guztiak Urballo enpresak
egin ditu.
Bertzalde
Belateko bazkalekutik Donamariara doan bidea ere berritu du udalak. 1.800
euroko kostua izan du eta Almakok egin du.
Gainerakoan
urtero bezala Erdiz, Lizartzu eta Belateko bazkalekuetako sasiak moztu ditu
udalak eta bazka hobetu eta indartzeko mineral ekologikoa hedatu du. Bortz urte
dira aipatu herri-bazkalekuek ziurtagiri ekologikoa dutela, denera 1000 hektarea.
Aipagarria da,
modu berean, hiru herri bazkaleku horietan urtero 700 behi buru eta 80 betizu
alhatzen dituztela. 2.700 ardi buru inguru eta 240 zaldi-behor. Horiek denak
200 nekazarirenak.