Aurten,
bigarrenekoz, FEMINIKASTEN egitasmoa martxan da. Bizitza antiojo moreekin
ikusten ikasteko asmoz, solasaldi, proiekzio, tailer edo erakusketa bat izanen
dugu Baztango xoko desberdinetan.
Lehendabizikoa
irailaren 27an izan zen, Zauria(k) dokumentalaren aurkezpena, hain zuzen ere. Dokumental
honetan, eromena, ezinegona eta osasun mentala aztertzen dira, beti ere ikuspegi
feminista batetik eta bederatzi emakumeren errealitateak aintzat hartuz.
Honetaz guztiaz solasaldia izan zuten Arizkunenea kultur etxera bertarako
zirenek.
Gaurkoan bigarren
ekimena aurkeztera gatozkizue. Urriaren 19an izanen da, eta lehengo urteko
arrakasta ikusita, Baztango emakumeek aurten ere beharrezkoa ikusi dute autodefentsa
feminista tailerra egitea. Egun osoko tailerra izanen da, goizean 10:00etan
hasiko da eta arratsaldean 16:00etan.
Tailerrean parte
hartu nahi dutenek posta elektroniko bat bidali beharko baztangohaizefeminista@gmail.com
helbidera. Tailerra EMAGINen esku izanen da.