Joan den ortzegunean, urriak 24, arratsaldeko ordu batak eta
hamar inguruan, lan istripu larria gertatu zen Zalain Transformados S.L.
enpresan, bertan badiren labe bateko irteeran. Lantegiko ordezkariek aipatu
dutenez, gertatutako istripua hain izan zen larria ezen bertaratutako
anbulantziak medikalizatutako bertze anbulantzia bat eskatu behar izan bait zuen.
Komitearen ezohiko batzarraren ondoren, txanda guztietan
batzarrak eta, protesta eta konzienziazio moduan, elkarretaratze bat egitea
erabaki zuten LAB, ELA, CCOO eta UGT sindikatuetako kideek, enpresan izaten ari
diren istripu guztiengatik eta Zalain Transformados S.L.-rentzat arrisku
prebentzioaren arloa lehentasuna bilakatzeko: “Hor ikusten baitugu izugarrizko
hutsunea eta horren adierazle garbia gure lantegian ematen diren istripu larri
kopuru kezkagarria da; zentzu honetan, garrantzitsua iruditzen zaigu ATS duen
botikinaren zerbitzua berreskuratzea.
Zaurituaren bilakaera baikorra baldin bada ere, bizi
guzirako ondorio larriak izaten ahal ditu, lantegiko ordezkarien arabera: “Lankide
eta komiteko kide guztiok gure elkartasun eta babesa adierazi nahi dizkiegu bai
berari eta baita bere senideei ere”.