Baztango Udalak eta
Bortziriak eta Malerrekako Mankomunitateek azaroaren 16tik 24ra doan Europako Hondakinen
prebentziorako Astea baliatuz hondakinak murrizteko kanpaina martxan jarri dute
berriz ere.
Baztango Udalak eta
Bortziriak eta Malerrekako Mankomunitateek, urteroko ohiturarekin jarraituz,
Hondakinen Prebentziorako Europako Astearen baitan prebentzio kanpaina bat
jarri dute martxan. Aurten, duela 3 urte egin zuten kanpaina arrakastatsua
errepikatuz, arrandegi eta harategietan sortzen diren plastiko eta paper
hondakinak saihesteko tuperrak
banatuko dituzte herritarren artean.
Kanpainaren helburu
nagusia hondakinak sortzearen arazoei buruzko gogoeta eragitea, eta erosketak
egiterakoan hau kontutan hartzea da. Gure erosteko ohiturek eta erosketak
egiteko moduek eragin handia dute hondakinen sorreran eta erosketarako poltsa berrerabilgarriak
eta tuperrak erabiltzeko ohitura
hartuz gero sortutako hondakin kopurua aunitz murrizten ahal dugu.
Baztanen, etxean
gai organikoa bereiztea eta inkesta bat betetzea beharrezkoa izanen da
Udaletxean tuperra bildu ahal
izateko. Edozein kasutan tuper bat
banatuko da familia unitate bakoitzeko. Azaroan zehar kanpainara atxikituriko
establezimenduetan erosketak tuperrarekin
egin eta horrela hondakinik sortzen ez dugun aldiro erosketa bonoen
zozketan sartzeko aukera izanen da eskualde osoan.