Gaur egungo landa-ingurunean diharduten gizarte
eta lurraldeetako dinamiken inguruan kultura-ekoizpenak egiten duen paperari
buruzko azterketa kritikoa egiteko gonbidapena da "Kultura eta landa eremuko dinamizazioa" solasaldia.
Azken hamarkadetan, hiritartze prozesuak
goitik behera aldatu du nekazaritzaren eta landa-eremuen egoera -eta
baldintza-, beste eszenatoki bat ezarri du, non, landa-eremuen eta hiriaren
arteko harremanak konnotazio berriak bereganatzen dituen.
Koordenada berri horiek ulertzea ezinbestekoa da
nekazaritza eta landa eremuetako kultura- menderakuntza historikoa iraultzeko
eta horretarako estrategiak izateko. Era berean, lurraldean
transformazio-tresna gisa ulertutako edozein kultura-proiekturen aukerak eta
mugak aztertzeko beharrezkoa da.
Landa eremuko kultura esku-hartzeari buruzko
gogoeta honetan beraz, gonbidatu hauek izanen
dira: Katixa Dolhare (Ezpeleta, Bordeleko Unibertsitatean literatura
garaikidearen ikertzailea), Antton Luku (Amikutze, idazlea eta antzerkigilea),
Mikel Ozkoidi (Iruñea, Nafarroako Kultura Departamentua), Nerea de Diego
(Iruñea, Uharteko Arte Garaikideko Zentroa), Xabier Erkizia (Lesaka, Soinumapa,
AudioLab…), Marc Badal, Jo ala Jo Kultur Taldeko kide bat.
Ekimena
otsailaren 12an burutuko da, 19.00etan, Arizkungo Gamioxarrean eta
antolatzaileen artean Baztango Udala eta Jo ala Jo daude.