Nola heldu gara hona? Saguzarrek dute errua?
Agian natura bera
da gainetik kendu nahi gaituena …
Gerran gaude?
Beti gaude gerran
baina ez dut uste birusarena gizakiok sortutakoa denik.
Zein eragin izaten ari da, pertsonalki?
Egoera hunek bildurre
baino harridura sortarazten dat. Egunerokoari martxa hartu diot baina nere barnera beiretzeko eta
pentsamenduak berplanteatzeko aukera bezala bizitzen ari naiz, zer den
inportantea eta zer ez, materialki zein guti behar duten zoriontsu bizitzeko …
Pandemia honek denoi berdin eragiten digu?
Ez, garbi dago osasunaren aldetik adinekoak direla
kaltetuenak, hauek dire zaurgarrienak (hitz hau pandemia hunekin zautu dut).
Ekonomikoki autonomoak errango nuke.
Jardun esentzialek, gehienek, emakume aurpegia dute. Zer
adierazten du horrek?
Ordua dela
emakumeak behar bezala baloratzeko.
Baztanen zer egoera uzten ari da pandemia?
Kolpe latzena
Elizondoko zahar etxeak hartu du, negozio pribatua eskuetan lehertu zaie, lehenago
ere hainbertze estutzen bazituzten langileak orain animeleko presiopean ariko
dire … eta kaltetuenak noski egoiliarrak (hitz hau ere orain zautu dut).
Baztanen nola egin aurre pandemiari?
Bertze tokietan
bezala, masifikazioak saihestuz eta distantziak errespetatuz. Sen onez jokatuz,
baratzeak landuz, mendire ganez, errekan bainatuz …
Gizarte hiperkonektatu baten aztarnak ugaritu dira.
Interneten topatuko al dugu elkar?
Internetek leihoak
ereki dazkigu gauza aunitzetako eta aukera berriek man etxetik lan iteko, harremantzeko … baina
jendiakin aurrez aurre egotiak eztu zerikusirik.
Egoera honen aurrean, borroka da …
… tokatzen zaigune.
Langileon borroka, emakumeon borroka, pribatuaren kontrako borroka,
berdintasunaren aldeko borroka …
Liburu baten irakurketa gomendatuko al zeniguke.
Zergatik?
Ez dute
pandemiarekin zerikusirik baina, aspaldi, gazte denboretan, Pako Aristiren Kcappo, Tempo di tremolo eta Irene, Tempo di Adagio irakurri nituen eta,
berriki, berriz gustura irakurri dut lehena. Irakurterrazak dire eta burue
bertze zerbaitetara gaten zaizu.