Baztango Gazte Asanbladak hurrengo egunetan elikagaien bilketari ekingo dio, apirilaren 6ra bitartean. Aipatu dutenez, "COVID-19 gaitzak larriki areagotu du egungo krisi eta proletarizazio fasea, gure bizimoduak kaltetzeaz gain, gero eta gehiago dira oinarrizko beharrak ase ezinik daudenak".
Bilketa Elizondon eginen da, Eroski eta Adela dendetan eta elikagai ez galkorrak bilduko dituzte: pasta/arroza, kontserbak, olioa, gailetak, lekaleak, esnea, zukuak, tomate frijitua, azukrea, kolakaoa, kafea...